Authoradmin

ಶ್ರೀ ರಮಣ ಮಹರ್ಷಿಗಳ ಬಗ್ಗೆ ಡಾ. ದೊಡ್ಡರಂಗೇಗೌಡ ಅವರ ಮಾತುಗಳು…

ಪ್ರಗಾಥ ಪ್ರತಿಭೆ

IMG_20140623_0009

ಕನ್ನಡ ಸಾಹಿತ್ಯ ಕ್ಷೇತ್ರದಲ್ಲಿ ಅದರಲ್ಲೂ ವಿಶೇಷವಾಗಿ ಕಾವ್ಯ ಪ್ರಕಾರದಲ್ಲಿ ಡಾ. ದೊಡ್ಡರಂಗೇಗೌಡರದು ತ್ರಿವಿಕ್ರಮ ಸಾಧನೆ. ಅವರ ಕಾವ್ಯೋದ್ಯಾನದಲ್ಲಿ ಅರಳಿದ ಸುಂದರ ಸುಮಧುರ ಕಾವ್ಯ ಕುಸುಮಗಳಿಗಳು ನೂರಾರು, ಸಾವಿರಾರು. ಅವುಗಳಲ್ಲಿ ಅವುಗಳದೇ ಆದ ಕಂಪಿದೆ, ಇಂಪಿದೆ, ಚೆಲುವಿದೆ, ಮಧುವಿದೆ, ಮಾಧುರ್ಯವೂ ಇದೆ. ಅವರ ಸಾಹಿತ್ಯ ಸೃಜನ ಎಂದೂ ಬತ್ತದ ಒರತೆ. ಬಾಡದ ವಸಂತ ಪಲ್ಲವ. ಅವರ ಸೌಜನ್ಯ ನಡೆ ನುಡಿ, ಅವರ ಸರಳತೆ, ಅವರ ಮಗು ಮುಗ್ಧಭಾವ, ಅವರ ಸ್ನೇಹಪರತೆ, ಅವರ ಹೃದಯ ಶ್ರೀಮಂತಿಕೆ ಅವರನ್ನು ಎತ್ತರಕ್ಕೇರಿಸಿವೆ.
ನಾಡಿನ ಇಂಥ ಒಬ್ಬ ಪ್ರತಿಭಾವಂತ ಹಿರಿಯ ಸಾಹಿತಿಗಳಾದ ದೊಡ್ಡರಂಗೇಗೌಡರ ‘ಪ್ರಗಾಥ ಪ್ರತಿಭೆ‘ ಎಂಬ ಅಪರೂಪದ ಒಂದು ವಿಶಿಷ್ಟವಾದ ವಿಮರ್ಶಾ ಕೃತಿಯನ್ನು ನಮ್ಮ ಪ್ರಕಾಶನದ ಮೂಲಕ ಪ್ರಕಟಿಸಲು ನಮಗೆ ಹೆಮ್ಮೆ ಎನಿಸಿದೆ. ಇದಕ್ಕೆ ಅವಕಾಶ ಕಲ್ಪಿಸಿಕೊಟ್ಟಿರುವ ಮಾನ್ಯ ಡಾ. ದೊಡ್ಡರಂಗೇಗೌಡರಿಗೂ ಹಾಗೂ ಕೃತಿಯ ಸಂಪಾದಕರಾದ ಬೇಡರೆಡ್ಡಿ ಪಂಪಣ್ಣ ಅವರಿಗೂ ನಮ್ಮ ಅನಂತ ಧನ್ಯವಾದಗಳು.

– ರಾಮಕೃಷ್ಣ (ಪ್ರಕಾಶಕ)

MMASouth – Lifetime Achievement Award 2014

Dr. Doddarange Gowda has awarded ‘Mirchi Music Awards (South India)’ by Western Ventures Union on 16th August of 2014.

At Annapoorna Studio, Banjara Hills, Hyderabad.

For the life time contribution to Kannada Films by writing 560 songs and dialogs for 10 films.

Award given by Nagatihalli Chandrashekar (Kannada Film Director) in front of all Music Directors and Singers.

ಹೋಳಿ ಹುಣ್ಣಿಮೆ

IMG_20140623_0004

ಶ್ರೀ ದೊಡ್ಡರಂಗೇಗೌಡರ ಭಾವಗೀತೆಗಳ ಒಂದು ಸಂಕಲನ ಇದಾಗಿದೆ. ತಮ್ಮ ಜೀವನದ ಬೇರೆ ಬೇರೆ ಸನ್ನಿವೇಶಗಳಲ್ಲಿ ಅವರು ಪಡೆದ ವಿವಿಧ ರಸಾನುಭವಗಳು ಸಹಜವಾಗಿ ಭಾವಗೀತೆಗಳಾಗಿ ಇಲ್ಲಿ ಬಂದಿವೆ.
ಈ ವಿವಿಧತೆಯಲ್ಲಿ ಎದ್ದು ಕಾಣುವ ಸ್ಥಾಯಿ ಒಂದಿದೆ, ಅದುವೆ ಪ್ರಿತಿ. ನಿಸರ್ಗದ ಪ್ರಿತಿ, ಒಲಿದವರ ಪ್ರಿತಿ, ಕನ್ನಡದ ಪ್ರೀತಿ, ಜನತೆಯ ಪ್ರೀತಿ. ಇಲ್ಲಿರುವ ಭಾವಗೀತೆಗಳನ್ನು ಓದುತ್ತಾ ಹೋದಂತೆ ಇದು ಎದ್ದು ಕಾಣುತ್ತದೆ. ಪ್ರೀತಿ ಬದುಕೆ ಸಲಿಲ, ಪ್ರೇಮಾಗ್ನಿಯೆ ಸ್ವರ್ಗ, ಅನುರಾಗ ಕೋಗಿಲೆ, ಒಲವೆಂಬುದೆ ಚೆಲುವು, ಪ್ರೀತಿ ಪೌರ್ಣಮಿ, ಪ್ರೇಮ ಗಂಗೆ – ಇಂತಹ ಕೆಲವು ಕವನ ಶೀರ್ಷಿಕೆಗಳನ್ನು ನೋಡಿದರೆ ಸಾಕು, ಇದಕ್ಕೆ ನಿದರ್ಶನ ದೊರೆಯುತ್ತದೆ.

ಪ್ರೀತಿ ಪ್ರಗಾಥ

IMG_20140623_0013ಒಂದೇ ವಸ್ತುವಿನ ವಿವಿಧ ಆಯಾಮಗಳನ್ನು ಕಾಣಿಸಿ ಕೊಡುವ ನೀಳ್ಗವಿತೆಗೆ ಇಂಗ್ಲೀಷ್‌ನಲ್ಲಿ ‘ಓಡ್‘ ಎನ್ನುತ್ತಾರೆ. ಇದು ಕನ್ನಡದಲ್ಲಿ ‘ಪ್ರಗಾಥ‘ ಎಂಬ ಹೆಸರಿನಲ್ಲಿ ಜ್ನಮ ತಾಳಿ ದಶಕಗಳೇ ಸಂದಿವೆ.
ನಮ್ಮ ಹಿರಿಯ ಕವಿಗಳನೇಕರು ಪ್ರಗಾಥದ ರಚನೆಯನ್ನು ಪ್ರಯೋಗದ ನೆಲೆಯಲ್ಲಿ ಮಾಡಿ ತೋರಿಸಿದ್ದರು. ಹಾಗೆ ಅವರು ಸೃಜಿಸಿದ್ದು ಕೇವಲ ಬೆರಳೆಣಿಕೆಯಲ್ಲಷ್ಟೇ. ಆದರೆ ಈಗಾಗಲೇ ವೈವಿಧ್ಯಮಯ ಕವಿತೆಗಳ ಸೃಷ್ಟಿಯಲ್ಲಿ ದೊಡ್ಡ ಹೆಸರು ಮಾಡಿರುವ ಜನಪ್ರಿಯ ಕವಿ ಡಾ. ದೊಡ್ಡರಂಗೇಗೌಡರು ಈ ಕಾವ್ಯ ಪ್ರಕಾರದಲ್ಲಿ ವಿಶ್ವಮಟ್ಟದ ದಾಖಲೆಯನ್ನು ಸೃಷ್ಟಿಸಿದ್ದಾರೆ.
ವಿಶ್ವದಾಖಲೆಗಳನ್ನು ಗುರುತಿಸಿರುವ ಇಂಗ್ಲೆಂಡ್‌ನ ‘ರೆಕಾರ್ಡ್‌ ಹೋಲ್ಡರ್ಸ್‌ ರಿಪಬ್ಲಿಕ್‌‘ ಸಂಸ್ಥೆಯ ಮನ್ನಣೆಗೆ ಕವಿ ಡಾ. ದೊಡ್ಡರಂಗೇಗೌಡರು ಪಾತ್ರರಾಗಿದ್ದಾರೆ.
ಅಂತಹ ಪ್ರಗಾಥಗಳ ಒಂದು ಸಂಕಲನವೇ ಈ ‘ಪ್ರೀತಿ ಪ್ರಗಾಥ‘

– ಮಹಾಬಲ ಸೀತಾಳಭಾವಿ
ಪತ್ರಕರ್ತರು (ತರಂಗ ವಾರಪತ್ರಿಕೆ)